文：Hin

歌手盧巧音擔任香港開電視《是敢的》嘉賓，分享了她在娛樂圈的生活點滴及跟老公蘇浩才的夫妻相處之道，笑言跟老公老夫老妻，無懼「七年之癢」。

盧巧音擔任《是敢的》嘉賓

盧巧音提到當年接觸音樂全因家貧：「童年嗰陣爸爸係小巴司機，媽咪係洗碗工人，家姐早就外出謀生或者返學，屋企好多時得我一個，媽咪中午會預備一碟菜，我放學煮熱就食，嗰段時間喺屋企冇咩嘢可以做，就扭開收音機聽音樂，好正，係80年代嘅新浪漫時代音樂，就係咁我開始接觸音樂。」

盧巧音透露當年接觸音樂全因家貧

出道後，盧巧音憑歌曲《好心分手》、《三角誌》等走紅，人紅換來無限的精神壓力，繼而患上情緒病，她謂：「當時情緒唔好，又唔能夠長期食藥，需要搵啲方法，咁不如做運動啦！於是就到維園跑步，呢個係我第一次外出做運動。」

盧巧音因為精神壓力太大患上情緒病

節目中盧巧音亦大談與蘇浩才的相識相戀，大讚老公盡責兼仔細俐落：「雖然我識佢嗰陣佢只係30幾歲，但處事唔似呢個年紀嘅人，佢對話好成熟，加上孝順媽咪，我覺得佢好可取。」盧巧音直言跟老公會因為瑣碎事吵架，但她認為吵架是很正常，最重要是將說話說出來，不要埋在心底裡，是溝通的一種，她謂：「其實夫妻相處之道在於互相尊重、包容同溝通。」問到2013年結婚的盧巧音，可會擔心「七年之癢」？她笑言：「應該冇，佢好乖。」

盧巧音唔怕「七年之癢」，仲讚老公蘇浩才好乖（Instagram圖片）

責編：EK