迪士尼真人版《阿拉丁》近日在本港上映。圖：電影海報

【橙訊】迪士尼真人版《阿拉丁》近日在本港上映，吸引不少市民一家大細入場觀看。不過有一名網民入場觀看英文版時，竟然遇到一名家長為身旁的小朋友作即時翻譯，銀幕出現一句英文對白，家長就以廣東話即時翻譯，更深情演繹，不過就影響其他在場觀眾。

該名網民在Facebook專頁「生仔要考牌系列」投稿，指自己上月23日在觀塘商場戲院觀看英語版的《阿拉丁》電影，他坦言「阿拉丁，預咗有小朋友同家長一齊睇，預咗會嘈少少，都明嘅」，惟當日入場後，竟沒有遇到「扭計」的小朋友，反而遇到一個不理他人感受的家長。

樓主續指：「有個家長可能因小朋友聽唔明英文，佢竟然一句英文對白，一句廣東話咁翻譯！厲害了！聲線仲要係有感情咁演繹個人物架！」惟附近並無人出言阻止該名家長，雖然對方聲線好聽，但仍感到受滋擾，於是發出「sh」的聲音，示意對方要安靜，惟因雙方距離太遠，並未有起作用。終於到電影中後段，「佢終於攰到冇再出聲／被人提醒咗？下次唔好喇……」。

相關的帖文引起網民熱議，不少網民批評該名家長行為自私，「家長先係問題嘅根源」、又有人怒斥「唔明就睇中文版啦」，另有人則笑稱「靚聲即時傳譯，特級服務，不另收費」、「精靈，第一個願望幫我將個家長滅聲！」。另外，有網民稱，「唔通genie唱friend like me, 你又即刻用中文翻譯，跟住唱翻哂出黎呀？ 」。

責編：李仕奇