唔少人鍾情日本料理，尤其係味道鮮美嘅刺身！加上海鮮含有豐富蛋白質和Omega 3，真係清新又健康！不過，其實一塊小小魚肉刺身所含嘅熱量可以好高，小心選擇至好呀！現附上食日料的3大貼士，瘦身人士必睇！

1. 食多幾件唔怕肥？

當然唔係！刺身嘅「飽肚感」唔及一般米飯和蔬菜，食多幾塊都唔覺；即使係有白飯嘅壽司，細細件飯量唔多，俾人唔係食咗好多嘅錯覺，於是一件一件密密食，咁就吸收咗更多熱量。

此外，部分壽司會加入沙律醬，亦係致肥原因之一。

2. 識揀！少食魚腩

要食得健康，先要識得揀！建議減少食用油脂較多嘅魚腩部位，而三文魚、鰻魚和三文魚子熱量高，可以選擇帶子、北寄貝等脂肪比較少嘅食材。

3. 生食要小心

夏天天氣悶熱，食物容易變壞，尤其係魚生和生蠔等食物。記得幫襯環境衛生乾淨嘅餐廳、壽司刺身上枱後盡快食用。另外，腸胃欠佳、免疫力低、長者和小朋友，都係唔好食太多魚生喇！

睇完貼士，你一定想知道，邊種魚肉的熱量最高？

點擊圖片，即睇刺身熱量大比拼！