圖：fb@哈弟Hadee─我由乜乜徒步到乜乜

【橙訊】有網民昨在社交專頁帖文，指前日凌晨2時許，在荃灣等小巴時，約有近50人排隊等車。一名大媽在小巴到站後隨即「打尖」衝上車，更用八達通拍卡坐低，最終被司機及車上乘客合力驅趕，更有人設計成功迫她下車。但是故事未完，該專頁昨晚再帖文，稱又見到該名大媽和同一個司機，大媽今次「好乖有排隊」，好守秩序，司機見她上車，仲講話「上次你畀咗錢，想叫你今次唔使嘟卡」！

fb專頁「哈弟Hadee─我由乜乜徒步到乜乜」昨晚發帖，題為【小巴打尖故事--續集】，樓主稱「我真係冇講大話」，昨晚搭小巴再撞到個「阿姐」，指她今日好乖有排隊，情況又好似TVB師奶劇「愛回家」劇情咁，「寃家路窄」再撞返同一個司機。

樓主指，當大媽上車時，司機好Nice地說「喂，阿姐！」，大媽即時好驚回了句「我有排隊！」小巴司機指「見到」，更同大媽講「我係想叫你唔使嘟卡，上次你畀咗錢，我諗住今次唔收錢喇，我唔係話你唔排隊呀！」。

不少網民睇完續集，紛紛留言，更力讚司機「好人」「好有愛」，有「鐵漢柔情」的一面，指大媽「孺子可教也」「知錯能改」。更有人指劇情絕對可以用來拍「愛回家」，更笑指「劇情到最後，司機可能會同阿姐結婚」

責編：李仕奇