阿媽成日講︰「唔好食咁多生冷嘢呀！對身體唔好！」中醫又話，冰冷食物屬「寒性」，會傷害元氣，減慢新陳代謝速度，影響身體機能運作。但夏天咁熱，無理由唔食雪糕唔飲汽水！留意以下4個小貼士，就可以大啖放心食！

1. 中午時間「最好食」

中午嘅溫度最高，亦係人體「陽氣」最旺盛嘅時段，呢個時間食凍嘢，唔使擔心令身體「寒上加寒」。正午至下午3點，食杯雪糕嘆吓啦！

2. 唔好空肚食凍嘢

黎天王都話「唔好空肚食早餐」，原來食冰凍食物都一樣！進食嘅食物直接影響腸胃系統，冰凍食物一落肚，腸胃未必抵受得住溫度急速變化。建議飲凍飲、食刨冰前先食少少食物「墊胃」，又或者正餐後隔1小時，以雪糕當作飯後甜品，咁先可以保護腸胃。

3.「慢食」代替「速食」

食冰凍食物時太急、進食量過多，或會刺激身體令血管急劇收縮，引起頭痛。既然咁好食，不如就慢慢食，好好品嚐味道。

不過有時，阿媽的話一定要聽。最後話你知，哪些時間不宜吃冰冷食物？

點擊圖片，即刻了解！