圖：FB@西客之道

【橙訊】在公眾場所大聲傾電話行為實在惹人厭煩！有巴士車長近日在社交網站Facebook發文，指自己出言阻止一名女乘客在車上大聲講電話，怎料被另一名老伯指責「你狗嚟架咋，收得人工就做嘢啦」。帖文引來不少網民討論。

該名車長在Facebook專頁「西客之道HIspitality」上發文，指有位女乘客在車上一直大聲講電話，在忍無可忍情況下，他要求女乘客降低聲量。而女乘客反問，「我講電話阻到你咩？」，車長回答「係呀，你滋擾到我揸車呀」，更指「你由車尾就嘈到車頭，樓上都聽得到你把聲，你一係就收線，一係就我停埋部車比你傾飽佢」。

此時，一名老伯出現，擔當「護花使者」，出言斥「你開車就開車啦，巴士公司冇出糧比你咩」，更稱「你狗嚟架咋，收得人工就做嘢啦」。車長即回應稱「係呀，巴士狗揸車比狗搭呀，而家有邊位趕時間自己落車啦，我唔可以專心繼續揸車，唔好意思」。該名老伯聞言後下車，車長再問「靜啦嘛？我繼續開車」。

有網民大讚車長行為「大快人心」、「司機好型呀」、「霸氣」、「學到嘢，向同業致敬」，亦有網民批評兩位乘客行為無品。

責編：陳正偉