一名女子早前大膽走到「自殺崖」平台邊。圖：fb@香港行山遠足之友(吹水山谷)

【橙訊】飛鵝山高603公尺，為九龍最高山峰，當中位於南脊山頂處的「自殺崖」，更是拍友勝地。不過，早前卻有一名女子大膽走到「自殺崖」平台邊，並沿位置擺甫士拍照呃like，即時惹來網友圍插，指隨時搞出人命。

有行山友昨日將這張見者腳軟的圖片，上載到Facebook群組「香港行山遠足之友(吹水山谷)」，由於相中女子走得太近邊沿，又無繫上安全裝備，從相中可見，稍一不慎，叉錯腳便有可能墮崖。

發貼者驚呼︰「究竟咩人個膽可以大到咁樣，我見到我個心都差啲跳出嚟」，並曾好心勸喻替相中人拍照的女子︰「同女仔朋友講叫女仔唔好企咁出好危險」。有網友認同發貼者心情，指「用條命去搏一張相」。

細心看過圖片的網友則留言，「呢位小姐嘅衣著真係唔多似行山遠足之友，佢咁有勇氣行到崖邊再拗吓個頭，真係以為佢想唔通想自殺喎！」另有網友指，「其實呢個位都幾特別，只係無需要企咁出。」

責編：李仕奇