呢排特別容易疲倦，天氣絕對係原因之一。天氣時冷時熱、空氣潮濕，體內積聚過多濕氣便會出現貪睡、身體乏力和肌肉疲勞。中醫更認為，濕氣會加重脾胃嘅負擔，影響食慾和消化吸收能力。要趕走困乏情況，除咗減少食生冷食物和飲凍飲之外，平時適量食用具祛濕功效嘅食材和祛濕湯水，都可以幫助身體排走多餘濕氣。

點擊圖片，即學食譜！

1. 粟米鬚豆豆湯

粟米鬚有祛濕、利水效果，可去除身體濕氣。

2. 黃瓜赤小豆豬踭湯煲

老黃瓜具利水、清熱、祛濕功用，亦能夠提升免疫力。天氣乍暖還寒容易患上傷風感冒，增強抵抗力就無有怕！

3. 蘆根老黃瓜湯

老黃瓜同樣有清熱、祛濕作用，此湯亦能止咳化痰。

4. 赤小豆粥

唔煲湯可以煲粥！赤小豆健脾益胃，經常出現水腫嘅人士飲用，有助利水消腫。

5. 淮山芡實粥

體質偏寒人士，進食太多寒性食物，可能出現反效果，令身體更加疲憊。淮山屬於性質平和嘅食材，健脾胃、助消化，適合大部分人食用。

6. 薏米冬瓜脯

中醫認為，薏米有清熱祛濕功效、利尿、健脾胃，更可以消水腫。冬瓜本物有大量水分，補充人體水分同時能夠利尿去水腫，而且有飽足感，減肥人士啱用！

7. 薏米野菌飯

舒筋活絡，補虛提神。流感肆虐期間，提升自身免疫力就非常重要！

祝大家健健康康！