文：Hin

組合Super Girls（SG）成員李靜儀（Heidi）去年與潮店合作，推出個人品牌「Be True To Yourself（B.T.T.Y.）」，今年她繼續打造個人品牌服裝，除了與攝影師好友舉辦相展外，更乘勢推出首隻個人新歌《Be True》為品牌造勢！

Heidi為新歌拍MV

日前Heidi為新歌拍攝MV，請來一班好友拍攝，眾人在現場奉旨開Party，隊友Aka更特地前來探班。Heidi透露今次歌曲比較輕快，並配合舞蹈，是自己首支跳舞MV，她還笑言舞姿會非常性感：「舞蹈中嘅動作其實都幾性感，希望大家會鍾意，我哋只係用咗好短時間去排呢隻舞，時間好緊逼，跳舞前我都好緊張，希望可以畀最好狀態大家睇。」

Heidi搵咗一班朋友拍攝MV

Aka都特意嚟探班

Heidi表示新歌《Be True》是希望女生們要忠於自己：「大家只要忠於自己內心真實嘅想法，做自己，就會有自信嘅一面。」她自言是忠於自己的人，面對不喜歡的事絕不妥協：「因為我唔識去妥協，我只會對我鍾意做嘅事妥協，而且全神貫注去做，要忠於自己！」

Heidi話新歌隻舞幾性感

不過Heidi坦言工作上要取得平衡：「可能做忠於自己有少少矛盾，因為我哋做嘢環境未必畀我哋所有嘢都忠於自己，要搵一個平衡點非常重要，我平時鍾意時裝，我得閒就可以去做呢方面嘅事，希望大家都可以搵到自己嘅平衡點。」

Heidi話新歌《Be True》係希望女生們要忠於自己

責編：林偉德