文：Hin

歌手關心妍（Jade）今年舉行入行18年首次內地巡唱「Touching Moment Concert Tour」，繼7月於廣州舉行首站後，12月28日將在東莞舉行第二站。

曾兩度踏上紅館的Jade，每次開騷前都會把自己操到最弗，經過一番努力終於操到最弗時的96磅，她日前到東莞舉行演唱會記招時，更特別挑選高衩長裙給歌迷驚喜，豈料原來她前一日試身時遭老公投訴太性感，最後要漏夜把高衩縫上2吋才老公過關！

Jade話將條高衩裙個衩縫咗兩吋，先過到老公嗰關

Jade入行以來有多首經典慘情歌，然而巡唱廣州站後不少歌迷對歌單有意見，投訴「關家姐」冇唱《關家姐》，和變身「C-12」的一系列歌曲，第二站可有特別改動？Jade說︰「《關家姐》同『C-12』嘅歌都有好多票數，但票數最高仲有幾首，兩個星期仲會繼續喺網上投選，睇吓最終邊幾首入圍啦。」Jade又預告巡唱第二站邀請了一位神秘嘉賓合唱：「呢位係音樂才子，為我作過歌，新歌《時刻》佢都有份參與。」問到第二站會否帶女兒心心同行？Jade表示：「佢睇完第一站好興奮，今日出發去記招佢都想跟埋嚟，問佢係咪想聽媽咪唱歌？心心話睇演唱會有好多零食，因為上次爸爸帶咗好多佢鍾意嘅食物，心心一邊睇騷一邊食嘢，好似食buffet咁。」

Jade預告巡唱第二站邀請咗一位神秘嘉賓合唱

完成東莞站後，Jade馬上便要準備佛山站，明年3月更會走到澳洲和美加開騷，不過掛念香港歌迷的她希望巡唱尾站能在香港舉行，還表示距離上一次紅館騷已差不多7年。

Jade希望巡唱尾站可以喺香港舉行

責編：林偉德