文：Hin

現年35歲嘅藝人鄧麗欣（Stephy）近年轉戰電影圈，並獲得唔錯嘅成績，而佢為咗電影都不時搏到盡，噚日（2號）佢喺社交網晒出一張素顏嘅自拍照，仲話自己拍完兩晚通宵戲後搞到有「時差感」！

Stephy近排忙於拍攝新戲（Instagram圖片）

正常嚟講，通宵捱夜對於皮膚嘅傷害好大，Stephy仲要連續兩晚通宵，真係隨時敷幾多塊Mask都救唔番，不過見到相中嘅Stephy皮膚依舊又白又滑，喺冇妝容嘅情況下變番少女一樣，唔少網民都大讚Stephy保養得宜，素顏一樣咁靚女。

Stephy素顏一樣好靚（Instagram圖片）

除咗有「時差感」外，Stephy仲大呻噚晚拍攝嘅地方好多蚊，仲叮埋佢塊面：「昨晚地方好多蚊子，我全身上下噴好蚊怕水，結果親我臉。好吧，給個讚？嗯... 還有什麼 沒有了 bye　#面唔可以噴蚊怕水 #咁點避免蚊咬面 #你有無試過 #我試過被叮眼皮 #語無倫次 #時差」唔少網民都提供唔同方法畀Stephy，但同時亦有網民講笑表示：「給王子親一下就好了」唔知Stephy會唔會效法呢？

（Instagram圖片）

責編：林偉德