文：Pearl

曾奪得「飛躍進步男藝員」的無綫藝人張頴康今日Post Ig，感慨為人父親後，才知道會盡最大努力去保護自己家庭，文中更提到曾「偷步」叫當時仍是女朋友的麥雅緻做老婆。

張頴康舉杯嘆酒。（INSTAGRAM圖片）

相中見到張頴康舉杯嘆酒，文中他寫到在九年前曾和麥雅緻去旅行，麥雅緻突然發燒，要「出動」外父幫手載他們洛杉磯回到三藩市，足足五個半小時，當時張頴康覺得：「原來一個爸爸錫自己個女，係可以去得咁盡㗎！」

兩公婆常常放閃。（INSTAGRAM圖片）

近日張頴康一家去旅遊，張頴康講到：「所以今日，我由洛杉磯揸車去到拉斯維加斯，就算冇5個半鐘，但係都有4個半鐘！（揸呢程車真係好攰好眼瞓，完全要諗住車上面瞓咗嘅老婆、小豆同小花生先至撐得住）。我咁講並唔係要比較，而係想俾大家知道，原來做咗爸爸之後，真係會搏哂命咁去保護自己嘅家庭！」

一家好幸福。（INSTAGRAM圖片）

文末張頴康就話太太和一對子女都已經睡覺，終於可以獎勵自己嘆返杯酒。不少網友都大讚他是好爸爸，非常有責任感！

責編：林偉德