文：Hin

台灣男神彭于晏前日（24號）過咗37歲生日，獲得一班圈內好友導演張一白、Super Junior始源等人以及一班粉絲送上祝福，其中好兄弟余文樂仲公開「表白」話：「你永遠都是我的好男友 HAPPY BIRTHDAY BRO」認真「Sweet」爆！

彭于晏前日37歲生日，余文樂「示愛」話：你永遠都是我的好男友（Instagram圖片）

至於彭于晏喺生日當日曾發文多謝長輩嘅祝福，仲話：「我又向成熟男人邁進了一步。」事隔一日佢更發放福利照多謝大家，晒出一張30年前嘅舊相，相中見到佢有着炯炯有神嘅圓圓大眼，配上齊瀏海，眼定定咁望住鏡頭，可愛程度爆燈，就連彭于晏本人都認證自己細個好可愛！

彭于晏細個真係好可愛啊（微博圖片）

同時佢亦感慨時間飛逝，要珍惜眼前和活在當下：「表姐翻到30年前的老照片，那時我很小也很可愛！外婆忙的時候她會幫忙照顧我，在她印象裡（裏）我一直只有6、7歲，不是37歲。時間真的會飛，珍惜眼前，活在當下。 #愛##我好年輕##家庭照##祝我生日快樂##珍惜眼前# #我表姐好漂亮#」

彭于晏細個得意，大個靚仔有型，真係令人羨慕又妒忌（Instagram圖片）

彭于晏嘅童年照曝光後，隨即惹來一眾「彭太」暴動，大讚「老公」從細個可愛到大：「怎麼從小到大都這麼好看」、「你最可愛了」、「你是吃可愛長大的小可愛嗎？」、「要酥死我這個小表情」

彭于晏微博留言

責編：林偉德