文：Pearl

鄧一君冇從事演藝業後曾做保險，近年更轉搞飲食，喺油麻地開車仔麵店，連古天樂都特登去撐場，噚日鄧一君就Post咗同古仔喺店舖前嘅合照，網民都大讚古仔有情有義！

鄧一君同古仔喺店舖前合照。（Facebook圖片）

其實古仔同鄧一君一直好老友，兩個曾經一齊拍過《尋秦記》、《美味天王》、《烈火雄心》同《刑事偵緝檔案IV》等劇。聽講當年鄧一君做保險，古仔仲係第一個客。而家鄧一君開車仔麵店，古仔又特登嚟支持，真係唔話得。

二人曾合作多部電視劇。（星島圖片）

網友大讚古仔有情有義，又讚一君踏實。（Facebook圖片）

嚟緊古仔話會搵原班人馬拍《尋秦記》電影版，唔知鄧一君會唔會有份參與呢？

責編：林偉德