AI摘要

文：Hin

藝人呂慧儀上周六凌晨突然與結婚7年的黃文迪發表聯合聲明，宣布二人於去年尾已離婚，當中不涉及第三者，而他們則共同撫養兒子「蟹籽」。

呂慧儀同黃文迪日前宣布離婚（資料圖片）

呂慧儀今早如常回到電視城拍攝《愛．回家之開心速遞》，雖然她現身時一臉倦容，但仍大方應要求拍照，問到其心情如何？她說：「正常返工囉，唔點應其他嘢，多謝大家關心，都係如常生活，屋企嘅嘢唔再回應，都唔使問我喇（離婚係幾時嘅事？）其他嘢唔回應。」

呂慧儀今日如常開工，但明顯一臉倦容（星島日報圖片）

提到昔日好姊妹傅嘉莉在網上發文喊冤，暗寸當年呂慧儀與黃文迪借她造新聞，呂慧儀則表示：「都唔回應，我專心做好我嘅工作，湊好我小朋友就得（同傅嘉莉仲係朋友？）我唔回應其他嘢喇，唔想再講落去（見面怕唔怕尷尬？）我唔講喇，唔該晒！」

對於傅嘉莉暗寸當年造新聞，呂慧儀只係話唔回應（星島日報圖片）

另問到湊小朋友時間可需重新分配？呂慧儀指事件已經過去，故現在不會再回應，被追問是否已安頓時，她說：「啊⋯唔講喇，我去開廠，今日全廠啊，唔使再問我，我都係唔會再講，哈哈（同事係咪好關心你？）係啊，我啲『屋企人』好錫我（前夫有新女友？）唔回應。」接着便匆忙趕入廠繼續開工。

呂慧儀拒講前夫黃文迪（星島日報圖片）

責編：林偉德