文：Hin

唔少明星都曾經被內地嘅公司盜用肖像嚟宣傳，或者直接被「代言」，搞到明星好多時都要入稟法院追討，天王劉德華前排先畀內地一間科技公司，喺佢哋淨水器相關產品同包裝盒上用咗華仔嘅肖像、姓名同簽名，而華仔正為此入稟追討之際，最近佢又再被「代言」？

近日網上流傳咗一張賣燒雞嘅相，張相上面用簡體字寫住「劉德華燒雞」，不過奇就奇在相中用手托住隻雞嗰個唔係華仔而係張學友，同時嗰隻「燒雞」望落形狀似燒鵝多啲，可以話係錯漏百出。

呢個廣告睇到人成頭問號（Facebook圖片）

究竟係咪設計呢個廣告嘅人分唔清學友同華仔呢？定還是「劉德華燒雞」係間舖嘅名？有網民就笑言指華仔負責「燒」雞，學友負責「捧」雞做代言，仲拎埋郭富城同黎明嚟玩話：「劉德華做燒雞...張學友做代言...郭富城做樓面...黎明做水吧」更有人問：「隻雞係咪叫劉德華？」

設計張相嗰個人分唔清張學友同劉德華？（資料圖片）

抑或隻「燒雞」其實就係叫劉德華？（資料圖片）

責編：林偉德