文：Pearl

香港人視寵物如命，藝人李澄（西瓜）其中都係一份子，噚晚播出最後一集嘅《晚吹–喵喵喵》，主持西瓜同嘉賓男友傑朱帶同身患頑疾嘅愛貓阿強擔任嘉賓，西瓜仲講到喊。西瓜同傑朱講到阿強被義工喺地盤發現時，個樣好可憐，成身污糟之餘，牙齒都有脫落情況，仲瘦到摸到脊骨，醫生更直指：「呢隻貓應該死咗」，好彩最後西瓜同傑朱都決心領養阿強，畀佢一個溫暖嘅家。

西瓜仲講到喊。（影片截圖）

西瓜同傑朱愛貓阿強。（影片截圖）

阿強剛剛被領養時仲有甩牙情況。（影片截圖）

西瓜講到唔好睇阿強表面好似好活躍，會周圍走，又唔驚接觸人。但其實佢被驗出有腎衰竭、糖尿病、心臟病等多個病患，因此成為診所常客。傑朱更要每日為佢定時打胰島素針，二人表示會好好珍惜同阿強相處時間，亦希望大家珍惜動物生命，唔好隨便遺棄佢哋。網友睇呢集就大讚西瓜同傑朱好有愛心，又讚傑朱搞笑又Talk得。

網友讚傑朱搞笑又Talk得。（Facebook圖片）

責編：林偉德