文：Hin

藝人黃智雯（Mandy）早前前往韓國拍攝真人騷節目《一個因去跳舞》，體驗成為女團成員的過程，在最新一集她就前往坡州英語村，與其他來自俄羅斯、台灣及香港女生一同參與為期一星期的特訓，並且參與評核。

黃智雯同隊友組限定女團參與評核（影片截圖）

Mandy今次與一班隊友組成限定女團「Perfect Mix」，以女團CLC的《Black Dress》參與評核，眾人在一星期的特訓中除了要學唱歌、跳舞外，就連怎樣行路以及對鏡頭做的表情都相當講究，Mandy也坦言沒想過韓國練習生接受如此高壓的訓練，並表示終於明白為何上次去娛樂公司面試時理事對她不屑一顧。

黃智雯同一班隊友進行一星期特訓（影片截圖）

佢都話冇諗過韓國練習生接受咁高壓嘅訓練（影片截圖）

作為女團身份參與評核，自然少不得影團體硬照，影相之前當然要化個韓妝執靚個樣，而Mandy為化韓妝更首度以全素顏示人，期間她更高呼：「好赤裸啊件事！可唔可以幫我打格仔啊唔該？」她卸妝後更出賣好姊妹姚子羚，拎對方「表哥」的外號開玩笑，笑言：「大家好，我叫姚子羚！變咗第二個。」相當搞笑！不過現年36歲的Mandy其實妝前妝後差別不大，只是黑眼圈相比下較明顯，在Chur爆的特訓下皮膚狀態還算不俗。

呢個全素顏都幾好啊（影片截圖）

黃智雯拎好姊妹姚子羚開玩笑（影片截圖）

大家覺得化咗韓妝嘅黃智雯靚唔靚呢？（影片截圖）

最後Mandy在評核考試中順利合格，獲頒發證書，而她坦言：「其實我好驚攞唔到證書，我自己最大嘅分別係我已經出咗道，但係呢種女團方式，我係由零開始，我都會擔心自己係咪唔合格呢，所以我今日真係傾盡我努力去做呢件事。」

最後黃智雯合格拎到證書（影片截圖）

責編：林偉德