文：Hin

樂隊Dear Jane於昨晚舉行的《2018年度叱咤樂壇流行榜頒獎典禮》中奪得「叱咤樂壇組合銀獎」，其中穿着皮褲出席頒獎禮的主音Tim未知是否因攞獎太興奮的關係，台上被影到下身「激凸」！

Tim（左一）被影到喺台上激凸！（星島日報圖片）

Tim現身慶功宴時，為自己「激凸」一事解畫，笑言自己當時想起老婆楊洛婷，又解釋做Gym令蛋白質上升，及後還指全皮服裝由造型師安排：「件衫攝落褲度，加上坐成晚摺起晒（皮褲質料堅硬都撐得起？）哈哈，係啊！」

Tim笑指自己當時諗起老婆楊洛婷（星島日報圖片）

Tim還大爆老婆看到新聞後便傳了連結給自己：「佢都有問我嗰時係咪諗起佢，我睇返（激凸）都唔係咁勁，同埋影相會有燈光效果。」問到老婆是否問他準備好？他笑說：「我每晚都準備好。（幾時生多個？）睇今晚！」

楊洛婷（星島日報圖片）

提到陳柏宇曾與他有相同情況，記者笑稱二人可組「激凸團」時，Tim即搞笑表示：「驚全場女性噴鼻血啊！」

Dear Jane喺《2018年度叱咤樂壇流行榜頒獎典禮》奪得「叱咤樂壇組合銀獎」（星島日報圖片）

責編：林偉德