小朋友渾水染了一頭金髮，但照樣溝不到女，後遺症是每天踫到警察，也會被查身份證，皆因這個金頭實在太過MK-look了。

作為一個偶像派股評人，我同時也是一位形象設計師，對這位小朋友作出了一個改善形象的建議﹕「你要把頭髮染回黑色，剪一個乖仔頭，穿乖仔衫，夏天是熨得畢直的白裇衫、卡其褲，冬天穿樽領毛衣，外罩一件Brooks and Brothers的單衣西裝外套，穿Clarks鞋，溝女就容易得多了。」

渾水奇怪地問﹕「這些nerd-look，不是沒有女生喜歡的嗎？」

「nerd-look的nerd，當然沒有女吼，但你是nerd-look的青年才俊嘛，廿歲出頭，炒股票年賺幾百萬，兼且又有名氣，咁點同？」我說﹕「你記著一點，就算是MK妹，都喜歡青年才俊，不喜歡MK仔。好像我，都喜歡高瘦後生的女仔啦，唔通揀個似我個款的咩！」

渾水問﹕「然則我個look，係咪好唔掂呢？」

我說﹕「咁又唔係，如果你呢個MK-look，坐住一架勞斯萊斯，幾個保鏢跟住，咁梗係好有型、好不覊啦，不過你而家呢副身家，carry唔起呢個look啫。」

然後有人問﹕「有口話人，無口話自己，咁你呢？」

我說﹕「就好似我，成日睇到D好靚的名牌，穿上我的身上，件衫是搶眼，但卻顯得我更加醜樣。所以，我只能穿那些低調的衣服，例如HERMES呀，Loro Piana呀，先至同我個look襯。」

我補充了一句﹕「做我們偶像派呢行，衣著形象好重要，你睇阿梅偉琛，以前著到憂衣憂祿咁，依家都周身名牌，飛個髮都去Mandarin Oriental，飛千九幾銀，出入揸Benz，戴住隻Patek Phillippe，食親都係富豪飯堂，同老細傾刁，都有飛屎啦，傾多好多生意返來，你估佢今年揾幾千萬，真係乾賺，唔使成本架。」

今個星期仍然是所有股票唔得，唯有等下個星期先至講。

本文章由作者為橙新聞獨家供稿

作者簡介：

周顯，著名的炒股理論家，吃喝玩樂家，不著名的歴史學家、政治學家，過去還曾經當過社論主筆和武俠小說作者。