文：Hin

「Yahoo搜尋人氣大獎2018」昨晚於尖沙咀舉行，其中古天樂獲頒「亞洲人氣演員」獎，古仔受訪時坦言今年是豐收的一年，對於他打入叱咤我最喜愛的男歌手最後五強，問到會否期待音樂頒獎禮也能獲獎？古仔則表示：「冇諗呢啲，都唔係自己做開嘅嘢（網民好期待喎！）多謝大家。」若屆時真的獲獎的話會否上台？他說：「今年時間好緊密，聖誕都冇假放，元旦都安排緊（到時開金口？）諗吓先啦！」

如果拎到男歌手獎會唔會開金口？古天樂話「諗吓先」（視覺中國圖片）

其實除了網民期待，不少歌手如容祖兒等都透露要力推他上頒獎台，問到會怎樣報答容祖兒？古仔笑言：「平時都有同佢食飯嘅，到時就獻唱一曲畀佢聽啦。（平時有練歌？）都有去唱卡啦OK，佢就好唱得，我就玩票性質，平時都唔係好唱自己啲歌，但係佢哋好鍾意點。（點你唱？）撳伴唱咪得囉！」

唔止網民，就連容祖兒等歌手都想古天樂攞獎（視覺中國圖片）

責編：Dustin