文：Hin

藝人林盛斌（Bob）光頭造型配上圓潤的身材甚有喜感，望着他或不會產生「帥氣」的想法，不過原來他對自己的樣貌充滿自信，更直言考慮下年推出寫真挑袁偉豪機！

阿Bob在社交網上載一張游水相大曬肥仔波及大肚腩，他還一臉深情般Chok晒樣，帥氣欠奉但搞笑度滿分，阿Bob還自誇若不看身形及髮型的話，單看其樣貌也實屬不俗，並直言：「嗱，我 IG 就有 124000 個 follower，如果呢個 post 有超過 41334 ❤ （三分之一），我會好認真咁考慮一下出年書展出返本寫真，好似袁偉豪之前好 chok 嗰本咁！」

阿Bob話考慮下年出寫真，仲要好似袁偉豪出嗰本咁樣（Instagram圖片）

好難想像阿Bob同袁偉豪做同一樣嘅動作（Instagram圖片）

不少網民都表示期待他的寫真面世，更笑言：「留名等睇找數」亦有網民叫阿Bob出寫真的話要先減一減肥，並問道：「反而我好好奇你減咗肚腩之後係點」其實日前溫家偉在社交網上載一張透過修圖後與阿Bob交換Body的照片，相中的阿Bob相當健碩，更由肥仔波變大胸肌，唔知大家又想要哪一個阿Bob呢？

網民叫阿Bob出寫真嘅話要減肥，如果阿Bob操到咁又O唔OK呢？（Instagram圖片）

責編：玥展