【橙訊】藝人林秀怡早前為拍劇，已將一頭黑髮染到勁金。不過近日為連戲，她要去到髮型屋補染。林秀怡貼出相片分享，表示：「染到頭皮似畀火燒兼要食零食忍痛。」

近日為連戲，林秀怡要去到髮型屋補染。

林秀怡發文提到：「呢兩個月，好多謝KOKO不斷幫我漂頭補染剪陰。可能因為以前一直都有漂染同埋之前劇集都試過連續漂染既（嘅）關係，以前無既（嘅）誇張感覺，呢鋪有了，今次既（嘅）漂頭令我頭皮每次都比（畀）火燒咁，整完出黎（嚟）要麻兩日痕兩日，每次漂既（嘅）期間我只可以靜靜地調整呼吸，個痛苦樣可能同平時太唔同，搞到你要出動零食去氹我。」

林秀怡多次漂染髮頭皮勁傷

林秀怡又提到，今次是由黑變金的第一次，坐足全日，個頭又畀火燒，條腰又痛，真係笑唔出。

圖：kirbysau@Instagram