【橙訊】歌手吳若希（Jinny）上月初為老公何兆鴻（Alex）誕下細仔Kylian，日前細仔已經滿月，Jinny亦於昨晚（6號）首次公開一家四口全家福，坦言這輯照片可能是她最喜歡的一次家庭照，並提到細仔中文名的由來，原來與其婦科醫生有關？

從Jinny上載的全家福中，見到他們著上家庭裝，被 Jinny抱在懷中的Kylian喊到臉都紅晒，而女兒淼淼則略帶擔心般望著弟弟，相反Jinny則望著Kylian笑到見牙唔見眼，她還笑言自己很喜歡這張照片：「反映咗成家人各自嘅性格，爸爸就內斂，媽媽好開心，家姐好貼心，弟弟就依然沉醉喺自己嘅世界。」

吳若希首晒全家福（圖：jinnyng@Instagram）

Jinny又透露因為疫情關係，老爺奶奶早在10月中已特意來港隔離14日：「加上細何生腳上功夫實在不俗，所以特別期待他出世。直至他出世，為了家人的安全，連拍個照也要特別留意衛生情況，所以辛苦了這次幫我們拍攝的團隊，對小朋友又溫柔又有耐性，真係無得頂。」

此外，Jinny表示大家除了可以叫細仔做「細何生」和「Kylian」外，還可以叫他「阿樂」或「樂樂」，原來竟與其婦科醫生有關：「取這個名字其中一個原因是覺得我的婦科醫生實在是太好了！」

細仔中文名叫阿樂，原來因為吳若希覺得佢嘅婦科醫生實在係太好（圖：jinnyng@Instagram）