周星馳已經作供完畢。圖：星島

【橙訊】影星周星馳遭前女友于文鳳追討7000萬元佣金案，今日在高院續審。周星馳接受盤問時否認于文鳳說法，指她曾按周指示向滙豐申請借貸，因為周曾打算以月租55萬元出租「天比高」12號豪宅。代表于文鳳的資深大律師袁國強出示文件提出，2011年，周曾將物業抵押換取貸款，惟周答稱忘記了有關文件。

就裝修粉飾「天比高」12號屋是作自用抑或是作提升投資價值，周星馳分享他的心得稱，豪宅買家傾向喜歡「清水樓」，因為「愈貴重的豪宅，啲客愈希望按自己意願裝修」。

袁國強質疑，周星馳以名人身份，可將豪宅由自己裝修作賣點；周星馳答：「我唔認同。」袁續質疑，2009年周星馳允許他人參觀其12號屋前已裝修好，並非2011年初才完成裝潢；周星馳回應：「間屋咁多地方，所以唔一定裝(修)好晒。」

袁續問：「其實你2010年已搬入去住。」周星馳稱，自己不能「百分之百肯定」。他又透露現時家人並非住在12號屋，因為最近又裝修。

其後周星馳接受代表自己大律師文本立覆問，有關對于文鳳的承諾，是否只局限於對方「有份幫手」的項目。周星馳坦言：「既然是作為獎勵女朋友，就唔會講幫唔幫倒，我唔記得有無講過。」至於範圍是否只包括物業分成，周星馳稱：「我嘅理解係所有賺到錢嘅一成。」

陳玉娥。圖：星島

「化咗灰都認得」

周星馳已完成作供，他午休期間進入法庭食堂用膳，然後透過專用通道從地下4樓離開法院，避開了大批在正門守候的傳媒。

而周星馳在法庭早休期間被影迷和傳媒包圍聊天，包括曾兩度參選立法會選舉的陳玉娥。陳主動問周星馳「認唔認得佢」；周星馳笑言：「化咗灰都認得，但係戴左口罩就難啲。」