【橙訊】有份演出大台劇集《使徒行者3》的謝可逸，近日被爆背著女友謝文欣，戀上兩度離婚的醫美集團CEO方潔盈（Jathy），有指Jathy更已懷孕。

謝可逸被爆背謝文欣偷食失婚女CEO（圖：TVB (official)@YouTube）

Jathy因為每次離婚都爭得子女撫養權，亦有向前夫索贍養費，被指生活富貴。她今日發長文向首任醫生老公湯愷廸開火，大爆一齊時曾被家暴，又公開指女藝人「戴夢X」與前夫有染。不過之後又將「戴夢X」改為「戴XX」。Jathy提到：「見戴小姐病，送藥送到上人地（哋）何文田屋企，當時我決心唔想再同你一齊，搵屋搬左（咗）去中環，同你分居，後期先識左第二任先生。」

謝可逸新歡鬧爆前夫（圖：jathyfong@Instagram）

Jathy繼續力數湯愷廸不是，包括被他拳打腳踢：「請問一直唔出聲，係唔係代表我係弱者，係唔係代表默認你嘅大話？你一直（嘅）所作所為，你自己心知肚明。我想講自從我婚後，有左（咗）你BB，你對我拳打腳踢，懷孕4個月，成碗熱湯倒喺我身上，發洩你（嘅）情緒，我當時大住肚，可以點樣？只可以默默啞忍。」

最後，Jathy指她靠自己一雙手湊大對仔女，會教他們將來要做一個對社會有貢獻的人：「我對仔女依家係點，身邊既（嘅）人有目共睹。我有權自己選擇自己條路點樣行，唔需要靠任何人，唔需要再啞忍受任何人對我（嘅）傷害，我同你講，呢一點無論你點樣再抹黑，我對仔女，我身邊（嘅）人，都一定會識分是非黑白，知道我係一個點樣（嘅）人！」

Jathy首任醫生老公湯愷廸回應傳媒指：「就網上不實的發文，不會作出回應，希望方小姐不要再利用家人宣傳。」對於所有誹謗言論會保留法律追究權利，事件也已經交由律師處理。