【橙訊】今個星期四（5日）播出的第四集《全民造星 III》，眾參賽者陸續出場參與前哨戰，爭奪50個入圍名額，今集輪到入行年資5年，25歲的沈瞳伽 （Esta）出場表演唱歌。以Dancer身份入行的他，面試時已被導師彭秀慧狠批，指其衣着品味、髮型、身形等等需要改造，又指他交給大會的面試照片出入太大。態度囂張的他，沒有虛心受教，反而諸多辯駁。

態度囂張的沈瞳伽，沒有虛心聽教訓，反而諸多辯駁（圖：ViuTV）

Esta表演歌曲後，獲得評判Eric Kwok藍燈一盞（圖：ViuTV）

Esta表演歌曲後，獲得評判Eric Kwok藍燈一盞，未能直接入圍，需進入復活區等待候補位置。他於台上懇求評判多給他一盞藍燈，獲評判一致拒絕。事後心有不甘，於台後鬧爆：「究竟呢個比賽，評判評分嘅準則，係咪足夠專業？條界線喺邊度？係咪對每一個人都一視同仁？其實而家我哋唔係玩緊比賽，係畀人玩揀老婆、揀老公。完全睇唔出呢個係一個比賽！」 

而另一參賽者海淦清 （T.max）反而深深獲得花姐歡心，花姐勁讚T.max：「雖然樣子唔靚，身形唔好。但係T.max係一個好有力量嘅人，係Positive嘅力量。就算唔使講嘢，你都有個樣喺度話俾人聽，我喺度唔使驚。」

花姐勁讚T.max（圖：ViuTV）

苦練唱歌六年的T.max曾經係半個邊緣青年（圖：ViuTV）

原來苦練唱歌六年的T.max曾經係半個邊緣青年，有不堪回首的過去，同屋企人關係不好，他是一位社工的長期Case，正是現在的經理人。幸好經理人透過音樂一步一步將他帶回正途，建立正面的價值觀。T.max察覺近日港人在疫情下生活困難，希望喺娛樂圈發一分力，娛樂大家，博大家一笑。