【橙訊】有「翻版湯怡」之稱的藝人許芯悅最近與楊明合作新片，戲中飾演情侶的二人有不少親熱戲，有傳楊明女友莊思明為防有人埋男友身，就算冇戲份或收工都留下來監場，甚至以「女二」身份教「女一」的許芯悅做戲，事後許芯悅向傳媒坦言被莊思明的「凌厲眼神」嚇親，導致頭痛兼失眠，不過莊思明否認監場。

許芯悅自爆遭人身攻擊（圖：星島日報）

到了昨日（23號）許芯悅出席活動時再被問到莊思明監場一事，她突然低頭兼手震，沉默30秒後哽咽表示自己不可講太多，指報道後收到短訊罵她，不想再被人身攻擊、侮辱和詛咒，問到是誰攻擊她？她表示：「有一個人，唔想提佢！」問到會否怕再遇到對方時，許芯悅直言：「到時先知道，唔係個個都會將短訊畀記者睇，令到自己可以上C1，C1唔重要、錢亦都唔重要，人矮做Model亦唔代表人格差！」並表示自己沒有楊明任何聯絡方式。

許芯悅講到爆喊（圖：星島日報）

至於另一主角莊思明則在社交網限時動態發文反擊，直指有人作故仔博見報，更表示自己才是受害者：「預咗D（啲）講開大話嘅人係唔會咁容易收手架（㗎）啦！你要繼續老屈作故仔博見報你咪繼續囉，公道自在人心！我又唔知你係邊位，同你講多都嘥氣。#我係受害者都未喊 #人在造天在看 #你想利用我到幾時 #係唔係唔作故仔唔屈人就冇得見報呀」及後她再度發功，表示：「其實佢都幾好笑 #想笑死我 #有個小丑氹自己開心都幾幸福呀 #你再講大話小心變咗木偶鼻」

莊思明喺IG發文反擊（圖：matyeung@Instagram）

莊思明直指有人博見報，話自己先係受害者（圖：lisa_chng@Instagram）

莊思明仲指某人係小丑（圖：lisa_chng@Instagram）