文：Hin

藝人徐頴堃（Erica）日前拍攝太陽眼鏡廣告硬照，以多個色彩艷麗的造型上陣，雖然拍攝時間用上9小時，但首次接拍太陽眼鏡廣告的她表現亢奮，沒有半點怨言，秉承了父親徐少強及母親雪梨的專業精神。

徐頴堃首次接拍太陽眼鏡廣告

在新冠肺炎肆虐下，娛樂圈近乎全面停擺，不少藝人被逼停工，不過Erica在疫情下難得有廣告接拍，她表示非常感恩：「疫情下開工有冇壓力？反而冇工開會比較有壓力，開工嗰陣都會注意勤洗手，而且工作人員全都戴上口罩，所以我好放心。」

徐頴堃感恩疫情下仍然有工開

今次廣告商邀請多位大師級設計師與造型師等參與拍攝，Erica難得跟多位高人合作亦大叫難忘，很珍惜這次拍攝機會，提到拍攝前的準備功夫，Erica自爆參考了不同類型模特兒的相片學擺甫士：「今次拍攝會有好多大頭，所以事前提自己飲多啲水，瞓覺前都有敷Mask，拍攝前一晚早啲瞓，希望以最佳狀態示人。」

徐頴堃參考了唔同類型模特兒嘅相學擺甫士

至於媽媽雪梨可有到場給予意見？Erica笑說：「點可以勞煩到老人家，哈哈！」Erica透露其實工作上，甚至大小事，大多數會跟哥哥徐偉棟討論，問到媽媽近日可有追看她參演的電視劇《地產仔》？Erica表示：「媽媽除咗追看《地產仔》外，都會好緊貼我個IG，然後send message畀我，佢有讚我喺鏡頭前好自然。不過，我就惡搞她，將她以前喺《尋秦記》同Michelle（雪兒）嘅一幕戲，以及我同Michelle喺《地產仔》入面嘅一場戲拼埋，搞到佢好開心笑咗好耐，令我覺得好感動。」

徐頴堃拍廣告唔敢勞煩媽咪雪梨

徐頴堃將媽咪喺《尋秦記》同雪兒嘅一幕戲，以及自己同雪兒喺《地產仔》入面嘅一場戲拼埋，氹媽咪開心

責編：EK