文：Hin

藝人黃宗澤、吳卓羲、關智斌主演的網劇《戰毒》正於「黃Viu煲劇平台」熱播，以緝毒為題的《戰毒》除了有連場槍戰、飛車、黑幫仇殺外，還加入兩大宅男女神：樂壇女子組合Super Girls成員李靜儀（Heidi），以及被網民封為「Double S」的陳欣妍，二人經常「大派福利」，多個熱褲騷長腿造型成功中和新劇的剛陽味！

Heidi嘅角色充滿少女味

Heidi相隔6年再次拍劇，今次飾演女主角張雅卓的好閨蜜CoCo，是夢想加入娛樂圈搵真銀的青春角色，為打造濃烈的少女味道， Heidi在劇中毫不吝嗇，以多個熱褲、短裙造型上陣，大晒白滑修長美腿，吸睛度爆燈！不過她自爆今次拍攝差點被一場戲考起：「其中一場戲要喺船上拍，我第一次上船拍戲，原來喺船上開工真係會暈暈哋，感覺有啲暈船浪，而且拍攝當日天氣好差，不時落大雨，大家都要化好妝不斷等，等一停雨就開拍，幸好最尾都能夠順利完成！」

Heidi以多個熱褲、短裙造型上陣，大晒白滑修長美腿

Heidi自爆差啲畀船上拍嘅一場戲考起

為了演好今次閨蜜角色，Heidi事前做足功課，找戲劇導師上堂，難怪她表示拍攝過程信心十足，而笑言對演戲上癮的Heidi更渴望演古裝角色發掘自己的另一面：「好多角色都想挑戰，尤其係古裝或民初角色，對我嚟講都好新鮮，希望將來有機會做，將自己另一面呈現畀觀眾。」

Heidi渴望演古裝角色發掘自己另一面

至於另一位女神陳欣妍，在劇中頻頻短褲示人，散發野性的少女味，她說：「其實今次拍攝好難忘，當中一場戲到警局盤問室拍攝，劇情講我被警方盤查，我細個睇戲，都見過好多相關場面，但真正入內並參觀都係第一次。」

陳欣妍被網民封為「Double S」

陳欣妍初入盤問室大開眼界

責編：EK