文：Pearl

林奕匡之前出海落船時，失足釀成意外，如今已出院。他的太太李靄璣就分享了林奕匡的相片，精神非常不錯，又大讚老公是最積極的傷者。

林奕匡之前出海落船時，失足釀成意外。（圖：RIKKOLEE＠IG）

太太李靄璣代報平安 。（圖：RIKKOLEE＠IG）

太太李靄璣留言：「佢複（覆）診後做了物理治療，醫生話佢戴個immobilizer多幾日，就可以唔戴啦！話說呢幾個禮拜，佢每晚都痛到唔係好瞓到覺，瞓三四個鐘就會痛醒，因為止痛藥既藥效都只係得幾個鐘，好折騰，而且一路郁唔到隻手，會連帶頸部、背部、胸口都會酸痛，真係慘慘豬。頭嗰幾日，我已經鍛鍊（煉）到變為一個非常稱職的看護，洗頭抹身、清洗傷口完全難唔到我最緊要係冷靜，有耐性，細心啲諗吓假若換轉頭係自己，會想別人點樣幫助你?雖然老公好自責也內疚，但係話過會互相照顧對方一生一世，並唔係信口開河，幾個禮拜又算什麼呢，況且佢絕對係我見過最積極嘅受傷者叫做好翻（返）幾日，已經嚷著什麼都儘（盡）量自己做翻（返），仲無啦啦走去吸塵，真係俾佢激死。最近更日日唱歌，仲竟然彈倒（到）小小鋼琴，所以大家唔好擔心，多謝大家嘅問候。而家疫情加劇了，大家都要好好保重。」

而林奕匡又十分識做，大讚老婆是最好的妻子，好閃呀！

責編：勞子軒