【橙訊】前海位於深圳市南山區同寶安區，鄰近萬象前海、前海壹方匯、歡樂港灣等大型購物商場，而且迎來全球最大室內滑雪場「深圳華發冰雪熱雪奇蹟」開業！本篇將介紹深圳前海一日遊的必去景點，由刺激滑雪場，到壹方匯Shopping打卡，再到歡樂港灣睇夜景，行程豐富！快啲Mark低以下路線，約埋朋友一齊出發！

早上：前海滑雪場 刺激開場

全球最大室內滑雪場「前海冰雪世界」，將於2025年9月29日正式開業。

室內滑雪場佔地10萬平方米，相等於11個標準足球場。

首站直衝前海滑雪場！全球最大室內滑雪場「深圳華發冰雪熱雪奇蹟」將於9月29日登場！冰雪世界總建築面積達43萬平方米，入面分上下兩層，設有5條專業賽道，難度分初、中、高三種，適合不同級別玩家。仲有專業教練指導，就算第一次玩都唔使驚！

【點擊看片：直擊全球最大室內滑雪場「前海冰雪世界」 附票價交通詳情】

滑完一輪，可於休息區飲杯熱茶，暖一暖身，為接下來的行程儲滿能量！

地址：深圳市南山區前海合作區

中午：壹方匯 購物美食文青之旅

滑完雪，肚仔都餓，就去壹方匯搵食同逛街啦！呢度係前海的熱門商圈，集購物、美食同打卡於一身。

壹方匯前海的熱門商圈，集購物、美食同打卡於一身。

覔書店：文青必到！書架同燈光設計好有藝術感，影相打卡一流，仲可以靜靜地揀本書坐低睇。

位置：壹方城L3層031-032號舖

書店中央位置圓形區域掛著無數的紙條，是訪客寫下的寄語。

書籍種類繁多

二次元街區「搗谷島谷」主題島：集合20多個不同的IP品牌，有很多熱門人氣產品，例如Chiikawa、Miffy等等，還有免費化妝間，更衣室收納櫃，可以去現場更衣化妝拍照，另外亦有手作小物同特色文具。而場內最具人氣必定是「寶可夢官方卡牌道館」，有官方授權的卡牌對戰區，仲有好多周邊商品，Pokemon迷一定要朝聖！

位置：B2層服務台後面

華南區首間「寶可夢官方卡牌道館」

官方授權的卡牌對戰區

仲有好多周邊商品，Pokemon迷一定要朝聖！

人氣產品Chiikawa，全部都是日本版。

二次元店亦售賣林林總總的IP周邊產品。

搗谷島谷齊集了20多個不同的IP品牌。

韓式人生四格：韓國連鎖自拍館photoism都有進駐，不妨影一組趣味四格相，留低回憶！價錢由29人民幣起，合共2張相片，收費合理。

位置：「搗谷島谷」區

韓國連鎖自拍館photoism都有進駐

價錢由29人民幣起，合共2張相片，收費合理。

MELAND CLUB：如果同小朋友一齊，呢個室內親子樂園就最適合，充滿互動遊戲同玩樂設施。

位置：F3樓層

深圳Meland Club親子遊樂園是國內數一數二的兒童遊樂園。

小食街：長數百米的小食街，由串燒到甜品，選擇多到眼花，可試地道小吃，滿足味蕾！

位置：B2

掃街愛好者必去！

樂卅市集泰式火鍋：如果想食正餐，呢間泰式火鍋好值得一試，湯底濃郁又香辣，配料新鮮。

選用新鮮食材。

必試招牌冬陰功湯

糯米飯很煙韌， 芒果鮮甜。

戲院：如果想休息一陣，睇場電影都係唔錯嘅選擇，壹方匯嘅戲院環境舒服，可以睇最新大片。

位置：L4樓層

前海壹方城（深圳壹方城）

地址：是廣東省深圳市寶安區新湖路99號

下午：深圳歡樂港灣 浪漫打卡時光

食飽飲足，下午就去深圳歡樂港灣，呢度係前海地標級景點，充滿浪漫同文藝氣息。

灣區之光摩天輪：搭上呢個深圳最高嘅摩天輪，俯瞰整個前海同深圳灣嘅景色，無論係日間定夜晚都超靚！夜晚仲有燈光騷，浪漫到爆，情侶必去！

灣區之光摩天輪

深圳雙界河公園：位於摩天輪附近散步，公園環境清幽，河邊的風景好治癒，適合影相同放鬆心情。

鐘書閣：被譽為深圳最美書店，內部設計以鏡面同書架交織，行入去仿如置身迷宮，文青同攝影愛好者一定會愛上！

鐘書閣被譽為深圳最美書店之一。

行入去仿如置身迷宮，文青同攝影愛好者一定會愛上！

一日遊接近尾聲，可於歡樂港灣附近揀想吃的餐廳食晚飯，為呢個充實一日畫上完美句號。食完就可以搭車返屋企，帶住滿滿的回憶同相片同朋友分享啦！

深圳歡樂港灣

交通：

1.歡樂港灣東岸商業區P1停車場，鄰近摩天輪、鐘書閣

2.歡樂港灣P5停車場，靠近歡樂港灣童樂園

3.地鐵：5號線【臨海站】B2出口

圖：橙新聞