【橙訊】「大灣區哥哥」陳小春日前於北京開巡唱，莫文蔚（Karen）驚喜現身做神秘嘉賓，掀起全場高潮！兩人曾合拍《古惑仔》系列，小春同Karen呢對經典銀幕拍檔相隔20年再次合體，於音樂舞台首次同框演出，合唱經典情歌，全場觀眾歡呼聲震爆場館，氣氛High到盡。

小春同Karen相隔20年再次合體。

Karen獻唱歌曲《陰天》，掀起全場大合唱。 當年《古惑仔3之隻手遮天》入面，Karen飾演單純的「林淑芬」，遇上小春飾演的「山雞哥」，舞台重現自然勾起無限回憶殺。 

勾起無限回憶殺。 

Karen當晚穿上短裙大晒逆天長腿，難得同舊拍檔再相見，佢笑住話：「差唔多20年冇同小春見面，覺得佢做人夫人父之後乖咗好多！」仲笑言下次輪到佢開個唱，小春就一定要「還人情」上台支持。 至於小春承認「變乖晒」全靠老婆管得嚴，更半認真半搞笑咁講：「係呀，怕老婆會發達嘛！」此言一出，全場即刻爆笑兼拍掌。 

兩人於音樂舞台首次同框演出，合唱經典情歌。

小春獨唱獻唱「安歌」歌曲《人情味》時，可能太多情緒湧上心頭，唱到一半時突然眼濕濕流淚。

圖：網上圖片、劇照