【橙訊】柳應廷（Jer）最近積極備戰《The Shape of Breathing》演唱會，原本粉絲都十分期待他的新海報，不過日前設計一出即遭受猛烈批評，指似「小學雞P圖」，Jer隨即公開貼出原圖反擊，結果惹起更大輿論熱潮。

Jer的演唱會將於11月30日及12月1日在亞洲國際博覽館Arena舉行，海報於9月10日正式公開，設計簡單，以灰白純色背景襯托Jer，並加上類似水花或鹿角形的雕塑。可能由於海報中的主體（Jer）帶有鬆郁矇的效果，Jer樣子過分白滑似AI人像，整體設計亦過分簡單，引來不少網民批評：「似初中生做graphic」、「退地褪得差」、「小學生退地」、「P圖質素太低」等等。

演唱會海報。（圖：jeremylaous@Instagram）

面對批評，Jer隨即罕有在IG發限時動態作出反擊：「真心嬲左（咗），呢個世代真係全民designer？」他貼出原本照片，直指相片只是用了濾鏡、調較了顏色及陰影，否認有退地或AI。他怒斥評批者：「講野（嘢）前可以諗下背後concept，整piece／背後嘅人，付出左（咗）幾多時間同心機。你地所見呢一張相出街嘅相，淨係調整都整左30（咗）幾個version。」

Jer罕有發限時動態怒罵。（圖：jeremylaous@Instagram）

怎料他回應後，網民的討論更加激烈。有反對聲音認為：「唔好攞心機當藉口」、「的確係未達大眾審美」、「改30ver出呢啲貨色，你要嬲你條team」等等。不過亦有支持者力撐：「最緊要心血，唔好理啲毒舌」、「設計原意最重要」，亦有從事設計行業的人留言，感謝Jer肯為設計界發聲：「創作相關工作好多時都會被外界誤解，多謝你今次肯講返自己團隊心聲。」

有網民翻找舊衛蘭《Wish》和薛凱琪《AUGUST GIRL》的經典「最醜唱片封面」照，指有異曲同工之妙。（圖：《Wish》、《AUGUST GIRL》）

圖：jeremylaous@Instagram、《Wish》、《AUGUST GIRL》