文：Stephy

片：Soniel

【橙Vlog】受疫情影響，關閉超過四個月嘅香港海洋公園終於喺上星期六(13日)重開！為咗配合防疫措施，園內有部分機動遊戲設施同展館依然關閉，無見好耐嘅一班明星動物都未有咁快見得番，小編率先嚟個「大熊貓之旅」，探下大家最熟悉嘅「安安」。

影片截圖

一入到「四川館」，已經見到「安安」嘆緊竹葉，睇嚟呢個假期過得好寫意，一班護理員喺閉園期間都照常輪班當值照顧，一啲都冇鬆懈。

「安安」每日會食10-15公斤竹葉。影片截圖

海洋公園早前一度面臨財政難關，好多人都擔心園內動物嘅去向。好在立法會通過撥款，可以繼續營運，一班員工都話鬆番口氣，其中已經照顧咗大熊貓五年半嘅熊貓陸生動物部監督Mandy就話好開心，可以繼續同佢地一齊成長。

至於今年首次成功自然交配盈盈同樂樂因為需要休養，暫時就見唔到啦，但有冇好消息，Mandy話最快都要6月尾先會推斷到懷孕跡象，到時再向大家公布。

陸生動物部監督Mandy。影片截圖

今次我哋仲去到大熊貓基地後勤部，了解護理員同熊貓嘅日常生活，小編仲親手製作左「環境豐容物」，希望「安安」會鐘意啦！

熊貓原來最鐘意食蘋果。影片截圖

責編：CK