【橙訊】人氣男團MIRROR成員呂爵安（Edan）將於下月16至18日、舉行個人演唱會《EDAN LUI “e to E” LIVE 2025》，門票自首輪發售已經一票難求。早前連Edan本人加入網上搶票大軍時亦「撲空」而回，今次主辦方再加場，Edan終於成功搶到6 張$1,180門票，自嘲「已買自己演唱會飛」，昨日（17日）更在社交平台發起送票活動，更搞笑大串ERROR成員郭嘉駿（193）。

Edan成功搶到自己演唱會門票（圖：Thread）

Edan在IG貼出電子門票購買截圖，並留言：「呢6張$1180飛，我決定免費送俾有緣人！喺下面留言，我就會隨機抽一個送俾嗰個account！」他更提醒大家：「唔准拎去炒啊！」一呼百應，大批爵粉紛紛留言，有人貼出與Edan的舊照表明「真愛」，希望能獲得幸運之神眷顧，ERROR成員郭嘉駿（193）亦搞笑留言：「希望抽中」。

Edan串爆留言「一定燒俾你」（圖：Thread）

Edan乘勢幽默回應193：「一定燒俾你！」，193亦笑言：「唔好呃我，影低燒飛過程嚟睇先！」兩人「你來我往」互窒，氣氛搞笑，成功炒熱整個抽票活動話題。不少人回顧起193「燒俾你事件」的經典對話：有網民曾在193網店購物，但疑遭「走數」，193則以「燒俾你」惹火回應買家，引發網絡大戰，成討論區熱話。

當年「燒俾你」事件惹來網民熱議（圖：IG@lilaboc.co）

事實上，Edan個人演唱會人氣爆燈，每場都門票都被秒殺。今次玩送票抽獎，不僅加深偶像與粉絲之間的連繫，更玩盡網絡梗，成功炒熱話題！

圖：IG@lilaboc.co、Thread