「Hello,歡迎收睇鞋佬生活百貨真人show」，呢句對白keep住係腦海內無限loop，一連三星期，鞋佬同公司同事完成了香港首個電視直播帶貨真人Show——鞋佬生活百貨真人Show，期間公司上下付出了很多心力和時間去完成這次幕前帶貨Show，筋竭力疲之餘亦百般感受在心頭。

事實上，每一次真人Show之後，都會有好多粉絲朋友Inbox俾意見我們，有粉絲覺得我化妝之後靚仔左好多，有些粉絲就話太白好似做大戲，無他，高清4K電視內直播，每個細節嘅動作，細微嘅部份，無所遁形。

鞋佬真係唔係咁貪靚？只不過係想尊重合作方以及電視前的觀眾，有見及此，寧願在臉上進行「批盪」工程，讓臉上的色斑和細紋馬上隱形，不單止化妝，連講說話都要小心翼翼，深怕講錯說話會被罰款。其實，日常生活如是，有很多情境好像在高清鏡頭前演繹一樣，有時候不得不偽裝一些禮儀出來，那一個您會否很辛苦，會否覺得很虛偽呢？

其實，睇左鞋佬直播一段時間，都知道「我個人都整潔企理，但一點也不姿整，鍾意將真實的自己呈現在大家面前，無論好與唔好」。電視既世界突然將鞋佬「綁手綁腳」，做得唔夠放，什至帶貨講產品時都有好多資料唔講得，咁又點樣可以真實地分享呢，高清世界內的安全，我認為是一種虛偽。

對比之下，我更喜歡網上直播自由奔放的我，我追求的人生也如是與其要高清內虛偽，為何不仿曚一點，真實地做自己呢。

作者簡介：

鞋佬——香港第一直播帶貨男網紅！一直以來靠把口搵食，曾經擁有8間實體店，卻從不相信網店，直到被淘寶狠狠擊敗，完全崩潰，發呆走去釣魚一年，逃避現實，年半前屋企經濟響起警號，迫住返回地球，無錢，無面，無人脈，唯有靠Facebook開live直銷女裝鞋，由第一個月賣得幾隻鞋，做到現時每月數百萬營業額。去年更將業務拓展至百貨行業，創立「鞋佬生活百貨」Facebook Page，直播2個鐘帶貨100萬。

本文為作者獨家供稿。

本文為作者觀點，不代表本媒體立場。

責編：EK