【橙訊】近年不少藝人積極發展副業，飲食界更是不少名人的首選。前港姐冠軍、現身兼KOL的陳凱琳（Grace）近年將生意伸延至甜品界，推出自家朱古力品牌，並於Pop-up店限定發售。早前她更聯乘媽咪麵及本地插畫家，炮製話題作「杜拜朱古力」，新口味一登場即引起熱烈討論。

陳凱琳推出自家朱古力品牌（圖：IG@ghlchan）

這款「杜拜朱古力」靈感源自中東傳統甜品Knafeh，以麵粉、糖漿、芝士及堅果混合並炸至金黃酥脆，再混入朱古力裡面。Grace版本則大膽以港人熟悉的媽咪麵取代原有餡料，將鹹香脆口的媽咪麵與開心果朱古力結合，創造出鹹甜交融的新體驗。陳凱琳親自落場宣傳，試食時更不吝讚美：「你睇唔睇到個汁係湧出嚟」，並超有自信認為大眾一定會喜歡這款朱古力。

Grace推出媽咪麵朱古力（圖：IG@taichanfoodfuker）

然而，創新口味並非人人受落。近期有美食KOL「誠實食評師大陳」在社交平台狠批該朱古力，直言味道不協調，更將僅試幾口的朱古力丟入垃圾桶。他形容：「可能你話佢主打創新，創新一定有失誤，哎呀！你有冇用個腦㗎？呢啲嘢都溝嚟畀人食，你自己冇試過咩⋯⋯佢呢啲係咪打仗軍糧嚟㗎？饑荒嗰時先會食。」更批評售價高達228元「極不值」，甚至稱之為「終極智商稅」。

大陳的激烈評語引來網民熱議，有人認同這種組合「一出已經覺得好伏」，亦有人力撐Grace創意，表示「甜甜鹹鹹又脆口」十分討好，網民表示公司同事更集體回購。可見新派朱古力雖然評價兩極。

美食KOL狠批大伏（圖：IG@taichanfoodfuker）

圖：IG@ghlchan、@taichanfoodfuker