【橙訊】新手媽媽麥明詩（Louisa）近日產後復出，首次亮相公開活動。早前她相約前男友林作的媽媽王莉妮聚會，而被對方無預警公開仔仔的正面照，掀起一場網上風波，更惹來林作現任女友裕美開火，暗指有人「set局」令林媽媽中伏。對於事件Louisa反指：「最終出唔出相都係伯母自己決定啦，可能我一開始冇講清楚，但佢好快已經收返相，冇大問題。我哋一直相處得唔錯，其實我都係中咗招嗰個。」

新手媽媽麥明詩產後首次亮相公開活動，容光煥發。（圖：星島）

裕美曾指是Louisa主動游說王莉妮做契媽，弄得對方不知怎拒絕，Louisa解釋自己與伯母一向關係融洽，從參選港姐開始已經受到好多支持，大家不時都會一起吃飯見面。被問到BB有沒有上契，有否針對林作現任女友等的敏感問題時，Louisa就婉拒回應：「關於小朋友同家庭私事就唔再多講啦，我只係專注自己嘅家庭，最重要係我同老公關係好。」

麥明詩表示自己不嬲同林作媽媽關係良好。（圖：leenililywong@IG）

對於早前被指「話唔想BB曝光但又拍廣告」，Louisa解釋：「嗰個廣告入面其實唔係我仔，只係搵咗小演員代演，大家誤會咗！」她強調會保護仔仔的私隱，希望等BB大個可以自己選擇是否想出鏡。談到新手媽媽生活，Louisa坦言雖然辛苦但幸福感爆燈，她笑言自己有個「黃金支援團隊」，包括老公、父母及傭人姐姐，還有家庭WhatsApp群互相支援。她大讚老公是「神隊友」，不單止主動學育兒，更會做情緒支柱：「佢唔係出氣袋，而係我情緒穩定劑！」

麥明詩的家人就是其「黃金支援團隊」，一齊照顧BB。（圖：louisa_mak＠IG）

圖：星島、leenililywong@IG、louisa_mak＠IG