【橙訊】麥明詩同老公盛勁為去年結婚後，唔夠一年已經報喜宣布懷孕！今年3月21日順利誕下BB的麥明詩一直保持神秘未有公開BB性別及樣貌，但外界就瘋傳她一索得男。直至昨日（5月20日）麥明詩前男友林作的媽媽王莉妮就揭曉BB性別，更在社交平台公開BB的正面照！

麥明詩自3月誕下BB之後，一直未有公開性別及樣貌。（圖：louisa_mak＠IG）

在王莉妮公開的相片見到，麥明詩的仔仔五官輪廓清晰，濃眉大眼，似足媽咪非常得意。王莉妮更留言表示：「雖然阿詩與林作無緣，但我一直當她是自己個女，依家佢有咗個仔，就好似我多咗個孫一樣，真心為佢開心。」她更向BB送上大利是，又同麥明詩及BB三人合照，場面溫馨。不過未知是否收到麥明詩通知，王莉妮在公開相片後不足一小時就突然刪走。

王莉妮曬同麥明詩及BB的合照，率先公開BB的正面及性別！(圖：leenililywong＠IG)

其實麥明詩同林作拍拖時，王莉妮已經視女方為新抱，而二人分手後她亦努力幫二人復合，可惜失敗。不過王莉妮同麥明詩一向關係甚好，去年亦以「契媽」身份出席麥明詩同盛勁為的婚禮，兼公開表示「做唔到新抱都要做契女」。王莉妮曾透露麥明詩早已帶過盛勁為見她，三人仲一齊飲過茶，大讚契女婿外形勝過自己親生兒子林作。不過有網民就認為王莉妮的行為或會令現任「準新抱」裕美不滿，同時亦令一向行事低調的麥明詩感尷尬。

王莉妮公開合照後不足一小時即刪相，不過BB得意樣已經曝光。（圖：leenililywong＠IG）

圖：louisa_mak＠IG, leenililywong＠IG