譚俊彥自爆曾經中過網騙失去8,000港元。

【橙訊】藝人譚俊彥（Shaun）昨日（19日）跟一眾藝人包括劉穎鏇、梁凱晴、黃子恆、羅天宇等出席《警聲百二秒III》拜神儀式，Shaun提到近年發生不少網上騙案，自己亦曾經中招：「有次太太喺網上睇劇，睇睇吓發現睇唔到，跟住我收到個短訊話我逾期未交費，我就上網畀錢，畀人過咗8千蚊，我見到係孟加拉貨幣，就知道被騙，啲錢亦追唔番，所以要小心。」

譚俊彥因為拍《新聞女王2》而要香港、深圳兩邊走。（圖：《新聞女王2》劇照）

為了拍攝新劇《新聞女王2》，Shaun最近都要香港、深圳兩邊走，提到日前他跟佘詩曼在車房拍攝時，由於他太大隻被網友誤認是樂隊Mr.成員黎澤恩（Ronny），他笑言：「因為劇組特登畀咗件加細碼嘅背心畀我着。（你太大隻，網民唔認得你。）個網民唔認得我，佢梗係冇睇第一輯，冇理由唔知我做車房。（係咪特別練大隻？）我有特別食多啲嘢，因為我個角色係阿佘嘅保護網，阿佘紙咁薄，我唔想兩個人都咁瘦，想畀人有種住家男人嘅感覺，所以我唔可以好似之前咁瘦，我有食多啲嘢，我都迫阿佘多啲，佢都瘦咗好多。」

譚俊彥近日因為操得太大隻而被誤認是樂隊Mr.成員Ronny。（圖：tammerz@IG）

劇中他跟夏文汐有對手戲，Shaun指同對方於2011年在電影《出軌的女人》合作，更大讚對方：「佢對我好好，後來佢拍《逆緣》嘅時候，我個仔啱啱出世，我喺隔籬廠拍嘢，佢都走過嚟畀利是我。我好開心同佢再合作，佢嘅氣場好犀利，我同阿佘都好期待同佢做對手戲。」

圖：tammerz@IG、《新聞女王2》劇照、星島