提起肥皂，第一時間會想起洗手洗澡，如果它被賦予美麗的外貌，你會捨得用嗎？90後Nana於2023年開辦手工皂公司「皂一皂」(Alpha Soap)，推出逾百款特色「番梘」，笑言：「我都覺得幾搞笑，因為我想做個禮物出嚟，畀啲客重複使用、購買，點知啲客覺得太靚，唔捨得用，都係變咗收藏同紀念用。」

品牌目前有逾百款手工皂。圖：搵錢

原本是空姐的Nana在2018年裸辭，成立自己第一間公司Crew Figures，專門打造人像公仔。雖然品牌反應不錯，但久而久之，她開始感到厭倦，因公仔可以保存很久，客人購買後基本不會「返訂」，每次都是生客，每次都要向客人解釋一遍，於是萌生第二次創業的念頭。

她在2021年開始，花數千元研究製作爆谷、奶茶及雪糕形狀的手工皂。然而，Nana認為當時成品「只係好靚，但唔係一個令客人好有動力去買嘅原因」，後來想到把香港元素加進肥皂中，如維港夜景、尖沙咀鐘樓和蘭桂坊等，在2年後投入五位數，正式開展她第二間公司。

很多設計靈感來自Nana經驗。圖：搵錢

由於第一間公司的人脈關係，Nana認識一些師傅，慢慢建立一條生產線，把她的設計由平面化作立體。製作一款手工皂大約二至六星期，主要看複雜程度，像香港系列的景色比較多細節，不少地方需要人手再加工，就耗時較長。

產品設計靈感主要來自Nana的親身經歷或部分客人的要求。訪問當日，她拿著筆記簿展示設計草圖，她總想在小小的肥皂刻上很多事物，但鑒於製作難度，Nana常常被師傅「勸退」刪減一點東西。

品牌過去接過企業、私人會所和學校的訂單，Nana提到，開業前她已構思主要經營B2B(企業對企業)，因為手工皂每次產量較多，「例如我整一款，最少都要十個起，一開頭試整四款，其實自己都有40幾件貨」。

石獅子造型手工皂需要特製皂模。圖：搵錢

除了繪製出香港經典景點或傳統元素的手工皂外，品牌有很多還原現實的個性化手工皂，例如倒模成型的由石獅子和扇子等；西多士等食物則沒有模具，每個成品都有點不同，Nana解釋：「同我哋嘅(真實)食物一樣，咁我哋每一塊麵包都可能有少少唔同，咁樣先更加真實」。

「我哋試過用呢個爆谷機，跟住就擺一啲爆谷粒粒(手工皂)喺上面啦，有啲客喺市集嗰度見到，都以為係真爆谷，仲話點解比起真爆谷會有啲貴嘅，因為我哋可能咁樣一桶賣128蚊。」Nana說。

談到產品價錢，她指坊間一些肥皂可能差不多價位，但別人定位在功能性，「皂一皂」則主打美觀，由於性質的差異，客人比較捨得用前者的肥皂，公司的肥皂則可能成為洗手間的裝飾物。

在市集擺出爆谷手工皂成功以假亂真。圖：搵錢

手工皂作為一種禮品，每逢新年或聖誕節等旺季公司都會接得較多企業訂單，數量通常由100個至800個，甚至更多。「皂一皂」漸漸擴大自己市場，去年她們走進新加坡，Nana透露，曾有新加坡客人要求做一些喇沙或者海南雞飯形狀手工梘，惟飯和麵涉及較多「材料」，目前未研究出如何漂亮一點。

Nana表示，公司基本上已經做到收支平衡，即使近年本港消費市道疲弱，市民熱衷北上消費，但對營運亦沒有太大影響，「其實我好耐以前已經諗過，無論係幾艱難或者幾蓬勃嘅社會，送禮物都係必須，就好似我哋就算每一年個市幾唔好，都係會派利是㗎嘛」，送禮這件事永遠是長做長有。