【橙訊】五索（鍾睿心）自早前被爆介入已婚大生銀行主席馬清鏗夫妻關係，做足9年「小三」兼為男方誕下4個孩子後，未有低調行事之餘，反而愈來愈囂張。日前才毫不忌諱在社交平台分享跟馬清鏗去瑞士旅行，更獲男方親自餵食。不過近日五索就突然透露上月因為一件事而想同馬清鏗分手。

五索為馬清鏗生了四個孩子。（圖：5kidsokma@IG）

五索早前就做「感情專家」，拍片跟大家分享戀愛心得：「我覺得人係冇完美嘅，就當馬先生一個咁嘅人，佢好有錢對我好好啦，但其實佢都有好多缺點，佢真係一個好難相處嘅人嚟，佢係超級大直男啊！」五索續爆最近發生一事令她想跟馬清鏗分手：「我騷俾佢睇(生蛇 ) 冇晒頭髮，佢第一個反應係：『啊好核突啊，咩嚟㗎？唔好過嚟啊，係咪有菌啊，唔好俾我睇，走啊走啊』佢嫌棄兼鄙視，我個下即刻爆喊，搵我best friend 攬住喊，一齊諗方法，點樣戴假髮可以遮住嗰個位，而佢作為最親嘅人，連我嘅好朋友都不如，所以我嗰下真係好嬲啦！」

五索自爆上個月想同馬清鏗分手。（圖：5kidsokma@IG）

不過五索就話馬清鏗好識做，激嬲完翌日即時買機票帶她去歐洲玩：「哇，每次想分手嘅時候，佢就做埋啲咁嘅嘢！所以一個人係唔會完美，就算佢把口唔叻，成日得罪我，但起碼有行動用心去安慰、關心我。我嘅擇偶條件就係，我好想另一半有啲行動，證明佢真係關心我或者愛我嘅。」最後，五索表示每個人想要的都不同，不可以要求一個人有晒所有嘢、包括靚仔、專一，有錢、識氹人等等，「如果你係咁就直頭唔好拍拖，如果你想繼續同呢個人行落去，你自己諗吓，只有一樣嘢，嗰個人俾唔俾到你想要嘅嘢你。」

但馬清鏗用歐遊來「滅火」。（圖：5kidsokma@IG）

圖：5kidsokma@IG