【橙訊】60歲黎耀祥自從近年移居內地之後，已經很少回港拍劇，反而主攻抖音市場，由視帝變身「飲食KOL」拍片介紹不同地方的美食。日前黎耀祥又在抖音公開一條招呼朋友到家中作客的影片，意外曝光位於中山的豪宅內部裝潢，令網民非常羨慕。

黎耀祥曾以不合適為由拋棄糟糠，出軌現任太太梁耀蓮（Julia），兩人於1997年結婚，並於同年誕下兒子。（圖：黎耀祥抖音）

片入面見到屋主黎耀祥著住白色圓領衛衣加卡其色長褲，先在廚房為老婆及朋友下廚，值得留意是廚房非常寬敞，有足夠煮食空間，而黎耀祥今次就整了炒牛肉及大蝦，期間更表演拋鑊廚技，有板有眼！然後他就去到客廳同朋友吃飯，見到客廳放了一張棕色梳化、白色長型飯枱及水晶燈，落地大玻璃窗可望到街景，整體裝潢簡潔又雅致。飯後黎耀祥夫婦更帶朋友去到露台享用生果及茶，黎耀祥就留言：「今天在家做飯吃，全部光盤了，我們的戰鬥力還可以吧」。

黎耀祥請朋友去屋企作客，意外令中山豪宅曝光。（圖：黎耀祥抖音）

出身基層的黎耀祥，幼年時一家八口住在紅磡消防局宿舍，去到中學才搬去順利邨。黎耀祥多年來憑實力穩坐視帝寶座，更頻頻掘金，現時跟第二任妻子Julia定居市值逾三千萬的上水天巒獨立屋，近年為方便在內地工作，更於中山置業。黎耀祥更是汽車富豪，從日本車晉升至擁有寶馬、Land Rover及麥拿倫等名車，有指他現時已累積四架千萬級座駕，而其愛兒黎正橋曾因晒林寶堅尼及大黃蜂Camaro而引來炫富爭議。

公屋出身的黎耀祥，憑實力成為坐擁豪宅及名車的視帝。（圖：laiyiucheung@IG)

圖：黎耀祥抖音、 laiyiucheung@IG