【橙訊】香港歌手鄧麗欣（Stephy）昨晚（16日）於紅磡體育館完成《STEP by STEPHY 鄧麗欣紅館演唱會2025》三場演出，尾場演出吸引譚俊彥、盧慧敏、丁子高等藝人到場支持。整場演出以快慢歌交織呈現，Stephy在熱舞環節後感性表示：「點解時間過得咁快，好似啱啱先宣布開演唱會咁，要好好享受舞台每分、每秒，頭先都跳得好興奮。」Stephy出道多年，首次在紅館開唱。她強調：「Cookies 係我第一個step，雖然走得慢，最終都行到呢個舞台。」 

鄧麗欣第一次紅館演唱會完滿結束（圖：星島）

表演嘉賓環節中，曾於電影飾演姊弟的魏浚笙（Jeffrey）驚喜登場，兩人合唱經典曲目《好好戀愛》後，Jeffrey送上親繪畫像致意。Stephy笑稱：「想講同你唱呢首歌有亂偷嘅感覺，因為真係當咗你係細佬。」雙方隨即於台上即興結拜，Stephy更公開稱讚：「佢真係一個非常欣賞嘅小朋友，好有禮貌，好少咁乖嘅男仔，仲要咁靚仔。」Jeffrey則賣口乖讚Stephy真人靚過上鏡，兩人更不忘宣傳合作電影《紅豆》。

二人同台合唱，情同姐弟（圖：IG@jeffrey_ngai）

演唱會尾聲掀起全場最高潮，Stephy宣布要送給歌迷特別禮物：「我哋係Cookies！」話音未落，吳雨霏（Kary）、楊愛瑾 (Miki)、馬思恒（Helena）、陳素瑩（Gloria）、區文詩（Angela）、何綺玲（Elaine），Cookies「7餅」驚喜現身，齊聲獻唱經典快歌《心急人上》。

雖然缺少了兩位成員傅穎（Theresa）和蒲茜兒（Serena），但睽違多年的「7餅」以Cookies成員身份合體大唱經典歌立即掀起回憶殺。Stephy特別感謝成員跨洋配合：「Helena專程從美國返嚟，佢依家係藝術心理治療博士；Gloria轉行做女強人都抽空到場。」最終7人組合以《Forever Friends》為合體環節劃下句點。 

經典組合 Cookies 合體（圖：IG@ngk）

Stephy透露籌備Cookies合體過程艱辛，雖然9缺2有少少遺憾，但現有陣容已經好珍貴。被問及三場演出感受，她表示已經去盡，會給自己超過一百分。提及男友全程捧場，她甜蜜透露：「佢連續三晚都嚟支持，今晚仲帶埋家人後台合影。」對於近期遭周啟生暗諷唱功，Stephy淡然回應：「呢三晚好享受舞台，對得住自己同觀眾已經足夠。」 

圖：IG@ngk、星島、IG@jeffrey_ngai