【橙訊】40歲蔡淇俊自2014年離巢無綫，結束12年賓主關係後，轉陣北上開展飲食事業，不過早年他曾自爆生意慘蝕幾百萬，店鋪更相繼結業，事業亮起紅燈。去到上年蔡淇俊就突然公開老婆呂藝甯「真身」，更開設4,000呎超大辦公室東山再起，為了養家和照顧員工，蔡淇俊不惜凌晨開工，在現場被客人攬實及狼死錫面都照單全收！

做了老闆的蔡淇俊要養老婆亦要養員工。（圖：蔡淇俊＠小紅書）

蔡淇俊日前公開一條以「賢妻扶我青雲志，我還賢妻萬兩金」為題的影片，片中見到蔡淇俊在凌晨12時後前往酒吧登台，因為擔心老婆捱壞身子，於是錫了正在睡覺的太太一啖就出發搵銀。蔡淇俊自爆以前登台都會很緊張，甚至會提前一個月就弄得胃抽筋睡不着，不過現在年紀大，又有家庭，亦有員工要照顧，有了責任就硬著頭皮頂硬上：「其實好多時都唔係咁困難啫，諗辦法賺錢養家先係最重要！」

為了搵錢，深夜時分去登台唱歌。（圖：蔡淇俊＠小紅書）

片入面見到蔡淇俊落力跳唱，又跟在埸粉絲互動，當中有名男粉絲趁蔡淇俊不為意更衝前親他面頰，但蔡淇俊都照單全收。不少網民都大讚他好男人：「喺大灣區搵食餓不死嘅」、「你很努力，上天會眷顧一個努力的人」、「腳踏實地，能屈能伸」、「合養到老婆家人就係強者」、「能自己扛起家庭有責任心的男人運氣一定不會差」。

有男客人突然錫蔡淇俊面頰！（圖：蔡淇俊＠小紅書）

圖：蔡淇俊＠小紅書