【橙訊】陳豪日前聯同陳瀅、朱敏瀚、潘靜文、陳懿德、林智樂、冼靖峰、丁子朗、孔德賢、黃庭鋒及梁采貽等藝人，現身尖沙咀與逾百名基層孩童及中風康復者共賞中國賀歲動畫《哪吒之魔童鬧海》（簡稱《哪吒2》），透過電影傳遞正能量與傳統文化價值。  

一眾藝人與弱勢社群共賞《哪吒2》。

活動特別安排基層孩童擔任義工，協助陪伴中風康復者入場。陳豪表示：「好開心可以同大家一齊睇電影，見佢哋也睇得好開心，又可以傳遞正能量及傳承中國文化。」他透露未來計劃帶3名子女參與義工服務：「除了可以幫助有需要的人外，還可以給他們體驗。」  

陳豪希望帶自己的子女做義工。

朱敏瀚對小義工們印象深刻：「班小朋友咁細個已經開始做義工，真係好好。」他更與中風康復者互動：「我問佢哋有冇睇《痞子無間道》，佢哋都話有呀！」陳瀅則形容參與是榮幸：「特別係見到大家睇得咁開心，而且班小義工又好可愛，同佢哋玩得好開心。」  

《哪吒2》慈善觀影活動。

丁子朗直言活動「一舉兩得」：「本身自己也想去睇《哪吒2》，這次又有意義又有得睇戲。」陳懿德感謝主辦單位邀請：「大家可以相聚欣賞一部咁有意思的動畫電影，真係好興奮，有時間也想參與多些公善事。」擔任司儀的梁采貽闡釋活動理念：「希望微小的善行能為他人的生活增添鼓勵和希望，這就是哪吒精神所在。」  

丁子朗讚活動「一舉兩得」。

圖：星島