【橙訊】小薯茄成員阿冰的細妹吳泳昨日（26日）被爆介入已婚僅三個月的健身教練，更當場斷正被正印FaFa撞破二人在健身室閣樓「鬼混」，FaFa狠心在個人社交平台建立一個「我老公出軌」的Highlight，公開所有「捉姦」證據，其中一條影片更加見到吳泳疑似半裸背向鏡頭躺在地上！

小薯茄成員阿冰的細妹吳泳(右)昨日被爆偷食人夫，更被正印捉姦。（圖：sabrinapingping_@IG）

FaFa連環在社交平台上公開跟老公的對話紀錄及老公跟吳泳的手機短訊記錄，因為吳泳在事後已經刪走IG帳戶，FaFa就轉移目標在所有影片上標誌吳泳的家姐阿冰，表示「完全搵唔到你細妹」，更表示健身室當初贊助小薯茄成員來做gym，阿冰就帶埋細妹上去，點知引「狐」入室：「你帶過嚟，但又唔理佢三觀不正嘅事實。」FaFa更直接指小薯茄聲譽被吳泳拖累。「捉姦」事件曝光後，小薯茄都立即出發聲明表示事件不涉及其公司成員，又指已跟該健身教練終止合作，對於為公眾帶來困擾和影響「感到抱歉和遺憾」。據FaFa表示阿冰亦已經代細妹向佢道歉，不過FaFa稱：「啊冰搵我 say sorry 已經慘。佢只係想幫個妹，佢無錯。」

兩位「主角」事後都有向FaFa道歉。（圖：fafatyw@IG）

去到昨晚FaFa就公開老公及吳泳向她道歉的對話截圖，吳泳承認非常後悔：「對不起，這件事我真的做錯了，我非常後悔，對你所造成的傷害，我做什麼也無法彌補。但是我很想誠懇地向你道歉，真的很對不起。」表示不會再跟健身教練有任何聯絡或接觸。FaFa就直接回應：「不要搞人老公，（搞）人地男人，其實真係唔好，你愛惜自己吧。」、「我地已經被你地破壞咗。一個家，就係咁散。」仲叫吳泳下次俾人捉到姦，記得快啲著衫走，唔好再瞓喺到，又指她連累阿冰：「你家姐都好慘，你累埋佢。你自己幫返佢啦，佢帶你嚟（變得）健康，唔係帶你嚟搞三搞四。」而男主角都有向老婆道歉，但FaFa似乎不受落。

阿冰要幫細妹道歉。（圖：sabrinapingping_@IG）

圖：sabrinapingping_@IG, fafatyw@IG