【橙訊】小薯茄吳冰（阿冰）胞妹吳泳最新爆出偷食大隻健身網紅William事件，William妻子FaFa Tse今日（2月25日）凌晨開始連環發IG限時動態怒轟，寫明「我老公偷食小薯茄泳泳」，更貼出露骨對話圖及捉姦片斷正！

事件主角為健身教練徐偉霖（William），曾奪多個香港健美比賽冠軍，2023年更成為首位奪得韓國WBFF健美總會比賽的冠軍，所以在健身界頗有名氣。2024年11月，他與拍拖約6年的女友FaFa Tse結婚，據指當年小薯茄成員亦有出席婚禮，更有成員曾與William合作拍片。

健身教練徐偉霖被爆偷食吳泳。（圖：健身教練徐偉霖@Facebook）

正印FaFa Tse是位美人，玲瓏身材兼備。（圖：fafatyw@Instagram）

不過二人成婚剛滿一年不久，隨即爆出偷食事件。正印FaFa指自己昨晚（2月24日）與閨蜜好友house warming（慶祝搬遷）後，大約晚上11時，打算回到她與William的私人健身室做運動：「去到門口，禁（撳）鐘（我平時懶用鎖匙），等咗好耐無人開，聽到佢由閣樓跑落嚟，開門一刻啱著緊衫。」

FaFa形容初時丈夫William先用謊言意圖掩飾，說有另一位男性友人上課中，當FaFa隨口問「人呢？」之後，William「抖大氣，唔出聲」。事主再發現樓梯上有條女裝褲，即問「上面（閣樓）係咪有人？」William再說謊指是男性友人與吳泳在上面，又指他們「high大咗」。FaFa Tse即時認為沒有可能，堅持上閣樓看，此時William才坦白：「唔好上去。唔好做任何嘢，我哋未做，未開始。」暗示自己與吳泳未開始發生性行為。

怒火中燒的FaFa最後亦有衝了上閣樓房間，發現裸體的吳泳。又指當自己與William對談大約15分鐘，全程「小三繼續瞓」，而且「賤男William仲好細心幫佢汁（執）好嘢，琴（蓋）好被，唔好凍親。」

FaFa昨晚捉姦在床。（圖：fafatyw@Instagram）

FaFa貼出疑是老公與小三的情慾對話，配上捉姦時拍下的照片。（圖：fafatyw@Instagram）

FaFa深夜連環貼文配字，又貼出捉姦影片，包括裸體女子躺地上的照片，配上文字：「我老公偷食小薯茄泳泳。」更貼出疑似William和吳泳的對話截圖，有人向吳泳寫：「抱住你嚟講」、「今晚先同你算脹(帳)」等情慾對話。

而捉姦影片從FaFa視角看，闖進健身室後發現地上衣物，她在鏡頭後說：「上堂係褲都唔使著，（仲有）鞋啦」，隨後即見William衝到鏡頭前，還隱約看見閣樓有女子身影。FaFa寫：「我心目中既好男人，我理想老公，作為榜樣既老公陪佢行過好多路既人，日日SUPPORT佢既人。同小薯茄。啊冰個妹搞野，今次第3次俾我捉姦，衫都無著！」更標籤了William與阿冰的公開IG帳號，事後男方的IG已轉為私人。

FaFa發現健身室內有衣物在地上。（圖：fafatyw@Instagram）

William從閣樓衝下來，身穿衣物。（圖：fafatyw@Instagram）

閣樓可見有女子身影。（圖：fafatyw@Instagram）

其後FaFa連環發文抒發感受，直指「親眼見到我真係崩潰，全身震曬就快要暈」、「他親口承認已發生關係3次。平日都在曖昧，在我們的健身室」、「心掏空」、「個感覺難受過食屎」、「我真係好無助好崩潰，當中好多內情我唔敢公開。」她又表示今次公開偷食事件其中一個原因是「希望唔好有下個學生Flirting pt 同偷食。」

圖左是小薯茄成員吳冰，圖右為胞妹吳泳。（圖：sabrinapingping_@Instagram）

圖右吳泳被指出軌人夫，遭正印公審。（圖：sabrinapingping_@Instagram）

圖：fafatyw、sabrinapingping_@Instagram、健身教練徐偉霖@Facebook