【橙訊】劉嘉玲和黃子華近日攜手合演舞台劇《香港式離婚》，吸引一班藝人好友到場支持，包括林青霞、張艾嘉、袁詠儀、金燕玲、莫文蔚、古巨基、梁詠琪等，當然不少得劉嘉玲的廿四孝老公梁朝偉！而近日就連天王級男神劉德華都親身捧場，搞到劉嘉玲都感到非常驚喜。

劉嘉玲最近演出舞台劇《香港式離婚》，獲不少藝人明星支持。（圖：carinalau1208＠IG）

劉德華同劉嘉玲識於微時，二人同是無綫藝員訓練班出身之外，更合作無間，最令人印象深刻的一定是2010的《狄仁傑之通天帝國》。劉嘉玲當年更憑電影首奪香港電影金像獎的「最佳女主角」。

趁住劉嘉玲開騷，劉德華都忙裡抽閒支持好友，令劉嘉玲大感意外。事後劉嘉玲更在社交平台分享了在後台與華仔的合照，其中一張她更攬實劉德華，如小鳥依人般地同對方頭貼頭，完全不怕老公梁朝偉呷醋，更簡單留下一句「Surprise」。不少網民見到都留言：「真朋友！」

劉德華同劉嘉玲關係極好。（圖：carinalau1208＠IG）

劉德華跟劉嘉玲感情要好外，與梁朝偉同樣老友鬼鬼。當年曾是「無綫五虎將」成員的二人，早前相隔21年再次合作電影《金手指》，令影迷興奮至極。在北京出席電影《金手指》首映禮時，劉德華同梁朝偉為了滿足觀眾願望，即場上演「比心五連拍」，搞到劉嘉玲事後在社交平台分享兩男心心照片時留言「無眼睇」，外加一個反白眼表情符號，非常搞笑。

劉德華同梁朝偉在首映禮做心心動作，非常可愛。（圖：carinalau1208＠IG）

圖：carinalau1208＠IG